Contoh Sandiasma Durma

Durma

Dening Annisa Nur Baiti

Andulu truna kang beneh tata krama

Nikanang angabekti

Sajroning nagara

Nuryaga cuil ninga

Bawana brastha uwis

Ilang prasama  
Titipan widya gusti

A.  Paugeran Tembang

a.   Jinising tembang           : Durma

b.   Guru gatra                     : 7

c.   Guru lagu lan guru wilangan     : 12a, 7i, 6a, 7a, 8i, 5a, 7i

d.   Tema                             : Kauripan (Kahanan nom-noman saiki)

e.   Watakipun tembang      : Murka

f.    Isi                                   :

Wonten ing jaman sakmenika, kepanggih nem-neman ingkang mangertos tata krama lan ingkang purun ngabekti marang nagari sampun langka. Kathah saking nem-neman ingkang tumindakipun mboten trep kaliyan unggah ungguh miwah langkung remen niru kabudayan masyarakat kilen. Dunya menika ugi bubrah lan risak amargi manungsanipun urip kanthi mboten nindakaken dhawuhipun Gusti Allah. 

B.  Paugeran Anggitan

a.   Wancahan

Kang --- saking tembung “ingkang”

b.   Uluran

Angabekti --- saking tembung “ngabekti”

c.   Plutan

Sajroning --- saking tembung “sajeroning”

d.   Baliswara

Cuil ninga --- saking tembung “ninga cuil”

Brastha uwis --- saking tembung “uwis brastha”

C.  Basa Kawi (Persentase Basa Kawi = 42,9%)

a.   Andulu   : nyawang, nonton

b.   Truna     : nem-neman

c.   Nikanag : ingkang

d.   Beneh    : mangertos

e.   Nuryaga : sekti, digdaya

f.    Bawana  : jagad

g.   Brastha  : risak, bubrah

h.   Prasama : sedaya

i.    Widya      : ngelmu